പുതിയ അധ്യയനവര്‍ഷത്തില്‍ പുത്തന്‍ ഭാവവുമായി....

സ്കൂളില്‍ ചേര്‍ന്ന കര്‍ഷകസംഗമത്തില്‍ നിന്ന്

 യൂണിഫോം : സര്‍ക്കാര്‍ എല്ലാ പെണ്‍കുട്ടികള്‍ക്കും  ബി.പി.എല്‍, എസ്.സി ആണ്‍കുട്ടികള്‍ക്കും 2 ജോടി സൗജന്യ യൂണിഫോം നല്‍കാന്‍ തീരുമാനിച്ചതിന്‍റെ അടിസ്ഥാനത്തില്‍ സ്കൂളിന്‍റെ യൂണിഫോം മാറ്റുന്ന കാര്യം പി.ടി.എ ചര്‍ച്ച ചെയ്തു തീരുമാനത്തിലെത്തി. പുതിയ യൂണിഫോമിന്‍റെ ഡിസൈന്‍ 14/5/2012 നു സ്കൂളില്‍ പ്രദര്‍ശിപ്പിക്കും. അതു പ്രകാരം രക്ഷിതാക്കള്‍ കടകളില്‍ നിന്നു വാങ്ങണം. നിലവിലുള്ള യൂണിഫോം നേരത്തേ വാങ്ങിക്കഴിഞ്ഞവര്‍ക്ക്  അതുതന്നെ പുതിയ വഷര്‍ത്തിലും ധരിക്കുന്നതിനു കുഴപ്പമില്ല.

ടെക്സ്റ്റ്ബുക്ക് : മെയ് 5 നു സ്കൂളില്‍ വന്ന കുട്ടികള്‍ക്ക് അടുത്ത ക്ലാസ്സിലേക്കുള്ള പുസ്തകങ്ങള്‍ വിതരണം ചെയ്തു. വരാത്തവര്‍ക്കുള്ളവ ഇനി സ്കൂള്‍ തുറന്ന ശേഷമേ വിതരണം ചെയ്യുകയുള്ളൂ.

ടി.സി : മറ്റു സ്കൂളുകളില്‍ തുടര്‍ന്നു പഠിക്കാനുദ്ദേശിക്കുന്ന കുട്ടികള്‍ക്കുള്ള ടി.സി 14/5/12 മുതല്‍ സ്കൂളില്‍ നിന്നു നല്‍കും.

അഡ്മിഷന്‍ : 14/5/2012 മുതല്‍ ആരംഭിക്കുന്നു.

സ്കൂള്‍ബസ് : സ്കൂള്‍ ബസ് സര്‍വീസ് ആരംഭിച്ച കാലം മുതല്‍ ഈടാക്കി വരുന്ന 75, 100 ഫീസ്  നിരക്കുകളില്‍ നേരിയ വര്‍ധന വരുത്താന്‍ പി.ടി.എ തീരുമാനിച്ചു. ഇന്ധനം, സ്പെയര്‍പാര്‍ട്സ്, ജീവനക്കാരുടെ കൂലി തുടങ്ങിയവയില്‍ വന്‍വര്‍ധനവ്  വന്നിരിക്കയാല്‍ നിലവിലെ നിരക്കില്‍ ബസ് സര്‍വീസ് നടത്തിക്കൊണ്ടു പോകാന്‍ സാധിക്കാത്തതിനാലാണ് ഈ തീരുമാനം. അടുത്ത വര്‍ഷം മുതല്‍ 100, 125 എന്നീ നിരക്കുകളിലായിരിക്കും ബസ് ഫീസ് ഈടാക്കുക.

ഭൂമിക്കൊരു പച്ചപ്പ് : ഒഴുകൂര്‍ ഗ്രാമത്തില്‍ കരനെല്‍ക്കൃഷി തിരിച്ചു കൊണ്ടുവരുന്നതിനുള്ള ഒരു പദ്ധതി കാര്‍ഷികവകുപ്പും സ്കൂളുമായി കൈകോര്‍ത്തുകൊണ്ട് നടപ്പിലാക്കുന്നു. ഒഴുകൂരിലെ കര്‍ഷകരുടെയും കൃഷി ഓഫീസറുടെയും സംഗമം സ്കൂളില്‍ നടക്കുകയുണ്ടായി. ചടങ്ങില്‍ കര്‍ഷകഅവാര്‍ഡു ജേതാവ് ശ്രീ. മുഹമ്മദ്  തൃപ്രങ്ങോട് സംസാരിച്ചു.

Posted in: വാര്‍ത്തകള്‍